चितवन प्रशासनले निकाल्यो सूचना, सार्वजनिक कार्यक्रम गरे कारबाही
बाग्मती प्रदेश अन्तरर्गत चितवनको जिल्ला प्रशासनले कोराना भाइरसको संवेदनशीलतालाई मध्यनजर गर्दै मेला महोत्सव एवं सार्वजनिक कार्यक्रमबाट रोक लगाएको छ ।
मंगलबार साँझ जिल्ला प्रशासन कार्यालय चितवनले एक सूचना प्रकाशित गरी चीनबाट फैलिएको कोरोना नेपालमा पनि उत्तिकै चुनौतीको रुपमा रहेको भन्दै जिल्लामा मेला, महोत्सव, सार्वजनिक कार्यक्रम गर्न गराउन रोक लगाइएको हो ।
सूचनालाई अवज्ञा गरी यस्ता काम गरिएको खण्डमा कानुन अनुसार कारवाही गरिने भन्दै कार्यालयले सचेत गराएको छ ।
यसैबीच जिल्लामा सञ्चालनमा रहेका महोत्सव आज बुधबारदेखि सम्पूर्ण चालु महोत्सवहरुमा रोक लगाइएको छ भने आगामी दिनमा तय गरिएको मेला महोत्सव समेत तत्कालका लागि रद्ध गरिएको छ ।
