रुसले १४४ युक्रेनी सैनिक रिहा गरे
मे महिनामा युक्रेनको मारिउपोलमा भएको लडाइमा २५ सयभन्दा बढी युक्रेनी सैनिकले रुसी सेनासमक्ष आत्मसमर्पण गरेका थिए भने त्यस मध्य १४४ युक्रेनी सैनिक रिहा गरेको छ ।
युक्रेनको गुप्तचर विभागले भने कि मस्कोले १४४ युक्रेनी सैनिकहरूलाई रिहा गरेको र बदलामा युक्रेनले पनि केही रुसी सैनिकलाई रिहा गरेको छ ।
रुसी सेनाले दक्षिणी युक्रेनी सहर माइकोलाइभको एउटा भवनमा आक्रमण गर्दा २ युक्रेनी नागरिकको मृत्यु र ३ जना घाइते भएका छ ।
सोमबार, रुसी सेनाले एक शपिंग कम्प्लेक्समा मिसाइल आक्रमण गरेका थिए । कम्प्लेक्समा एक हजारभन्दा बढी मानिसको उपस्थिति रहेको थियो र १८ जनाको मृत्यु भएको थियो ।
अर्कोतर्फ संयुक्त राष्ट्र सुरक्षा परिषद् (UNSC) लाई भिडियो कन्फरेन्समार्फत सम्बोधन गर्ने क्रममा जेलेन्स्कीले पुटिनलाई आतंकवादीसँग तुलना गरे र जेलेन्स्कीले भने- रुसको नरसंहार तत्काल बन्द गर्नुपर्छ, अब विश्वले कदम चाल्नुपर्छ । जेलेन्स्कीले सपिङ कम्प्लेक्समा भएको आक्रमणको छानबिन गर्न संयुक्त राष्ट्रसंघलाई टोली पठाउन आग्रह गरे।
हालै जी–७ शिखर सम्मेलनमा युद्ध रोक्न रुसमाथि थप प्रतिबन्ध लगाउने निर्णय भएको थियो र शिखर सम्मेलनपछि बेलायती प्रधानमन्त्री बोरिस जोन्सनले रुसी राष्ट्रपति भ्लादिमिर पुटिनलाई खिल्ली उडाउँदै भने– पुटिन महिला भएको भए युक्रेनमा आक्रमण गर्ने थिएनन् ।
