देउवाको भारत भ्रमणप्रति एमालेको आपत्ति, भ्रमण प्रधानमन्त्रीकाे हैसियतले कि निजी?
प्रमुख प्रतिपक्ष दल नेकपा एमालेले प्रधानमन्त्री शेरबहादुर देउवाको भारत भ्रमणप्रति आपत्ति जनाउँदै प्रश्न उठाएको छ । देउवाको भ्रमण निजी-पारिवारिक हो कि प्रधानमन्त्रीका हैसियतले भन्दै एमाले प्रचार विभाग उपप्रमुख विष्णु रिजालले प्रश्न उठाएका हुन् ।
उनले फेसबुकमा लेखेका छन्, ‘स्वाभाविक रूपमा प्रश्न उठेको छ : शेरबहादुर देउवाको यो भ्रमण निजी-पारिवारिक हो कि प्रधानमन्त्रीको हैसियतले हुन लागेको हो ’ उनले प्रश्न गरेका छन् ।
प्रधानमन्त्री शेरबहादुर देउवा आज भारत भ्रमणमा जान लागेकोतर, मुलुकका कार्यकारी प्रमुखको भ्रमणबारे प्रमुख प्रतिपक्षीसँग छलफल नै नगरिएको भन्दै एमाले प्रचार विभाग उपप्रमुख विष्णु रिजालले आपत्ति जनाएका हुन् ।
त्यस्तै उनले लेखेका छन्, ‘प्रधानमन्त्री शेरबहादुर देउवा आजबाट भारत भ्रमणमा जाने समाचार सार्वजनिक भएको छ । संवेदनशील र राष्ट्रिय सहमति हुनुपर्ने महत्त्वपूर्ण विषयमा मुलुकको सबभन्दा ठुलो र संसद्को प्रमुख प्रतिपक्षी दल नेकपा (एमाले) सँग उहाँले कुनै छलफल र सरोकार राख्नुभएको छैन ।’