देशभरका यातायात कार्यालयका सबै सेवा अनिश्चितकालका लागि बन्द
देशभरका यातायात कार्यालयहरुबाट दिने सबै सेवा अनिश्चितकालका लागि बन्द गर्ने यातायात व्यवस्था विभागले निर्णय गरेको छ ।
विभागका प्रवक्ता लोकनाथ भुसालले सूचना जारी गदै सर्भरहरुमा विद्युतीय समस्या देखिएको भन्दै विभागले बुधबार अपरान्ह ५ बजेदेखि सबै सेवा बन्द गर्ने निर्णय गरेको जानकारी दिएका छन् ।
\भुसालले जारी गरेको सूचनामा भनिएको छ,‘समस्या समाधान नभएसम्मका लागि सबै सेवा अवरुद्ध हुने जानकारीका लागि अनुरोध छ,’
यसअघि विभागले लाइसेन्सका लागि नयाँ आवेदन लिन बन्द गरेको थियो । अब सवारी दर्ता, नामसारी, नवीकरण र कर भुक्तानीसहितका सबै सेवा अनिश्चतकालका लागि बन्द हुने भएको छ ।