बालुवाटारमा मन्त्रिपरिषदको बैठक जारी
प्रधानमन्त्रीको सरकारी निवास बालुवाटारमा नियमित बस्ने मन्त्रिपरिषदको बैठक जारी रहेको छ । बालुवाटारमा बैठक सुरु भएको स्वास्थ्यमन्त्री विरोध खतिवडाले जानकारी दिएका छन् ।
बिहीबार दिउँसो चार बजेका लागि बोलाइएको बैठक ५ बजे बसेको हो । प्रधानमन्त्री शेरबहादुर देउवा पर्साबाट काठमाडौं आउँदा केही ढिलो हुँदा मन्त्रिपरिषद बैठक एक घण्टा ढिलो सुरु भएको हो । प्रधानमन्त्री देउवा घरेलु तथा उद्योग महासंघको भवन उद्घाटन गर्न आज बिहान पर्सा गएका थिए ।
