एकैदिन कोरोनाबाट १६ जनाको मृत्यु, २५ सय सङ्क्रमित थपिए
कोरोना भाइरसको संक्रमणबाट नेपालमा २४ घण्टामा १६ जनाको मृत्यु भएको छ । स्वास्थ्य तथा जनसङ्ख्या मन्त्रालयलका अनुसार आज १६ जनासहित कोरोनाबाट ज्यान गुमाउनेको संख्या ११ हजार सात सय ९४ पुगेको जनाएको छ ।
यस्तै २४ घण्टामा दुई हजार पाँच सय २६ जनामा संक्रमण पुष्टि भएको छ । पीसीआर र एन्टिजेन गरी ११ हजार ७३ जनाको नमुना परीक्षण गर्दा दुई हजार पाँच सय २६ जनामा संक्रमण पुष्टि भएको हो ।
यसमा व्यक्तिगत रूपमा परीक्षण गरेर इमेल र एसएमएसबाट पठाएको विवरण पनि समावेश रहेको मन्त्रालयले जनाएको छ ।यस्तै थप आठ हजार चार सय २५ जना कोराना संक्रमणबाट मुक्त भएका छन् ।
यो सङ्ख्यासहित नेपालमा कोरोनाबाट निको हुनेको संख्या ८ लाख ९५ हजार आठ सय ८६ पुगेको छ ।अहिले नेपालमा ५६ हजार ४ सय ५७ जना कोरोनाका सक्रिय संक्रमित रहेका मन्त्रालयले जनाएको छ ।
