सिरहाका एसपी पाण्डेको सरुवा, अर्जुन तिमिल्सिनालाई जिम्मेवारी
प्रदेश नं २ स्थित सिरहा जिल्लाका प्रहरी प्रमुख फेरिएका छन् । सिरहाको प्रहरी प्रमुखको रुपमा रहेका प्रहरी उपरीक्षक हिराबहादुर पाण्डे ९ महिनामै त्यहाँबाट सरुवा भएका छन् ।
प्रहरी प्रधान कार्यालयले सिराहाको प्रहरी प्रमुखमा एसपी अर्जुन प्रसाद तिमिल्सिनालाई पठाएको छ । तिमिल्सिना काठमाडौं उपत्यका प्रहरी शिक्षालयमा कार्यरत थिए ।
पाण्डेलाई काठमाडौं उपत्यका प्रहरी शिक्षालयमा सरुवा गरिएको प्रहरी प्रधान कार्यालयले जनाएको छ ।पाण्डे २०७८ वैशाखमा सिरहा गएका थिए ।
केही दिन अघि जनमत पार्टीका अध्यक्ष डा. सीके राउतले प्रहरी उपरीक्षकलाई जनकारवाही गर्ने चेतावनी दिएका थिए ।
