लोक सेवा आयोगले खुलायो २८४ शाखा जना अधिकृतको विज्ञापन
लोक सेवा आयोगले अप्राविधिक तर्फको राजपत्राङ्कित तृतीय श्रेणी (शाखा अधिकृत)मा दुई सय ८४ जनाको विज्ञापन खोलेको छ ।
आयोगले बुधवार अप्राविधिक तर्फको शाखा अधिकृतमा दुई सय ८४ कर्मचारीको विज्ञापन खोलेको हो ।सामान्य प्रशासन, राजश्व, लेखा, लेखा परीक्षण, परराष्ट्र, न्याय, कानुन र सरकारी वकिलका लागि खुल्ला र ज्येष्ठता गरी दुई सय ८४ जनाका लागि विज्ञापन खोलिएको छ ।
दरखास्त दिने अन्तिम मिति पुस २० गते सम्म तोकिएको छ । दोब्बर दस्तुरमा पुस २७ गतेसम्म दरखास्त दिन सकिने आयोगको सूचनामा उल्लेख छ । दरखास्त आयोगको वेबसाइटमा गई अनलाइन माध्यमबाट भर्नुपर्ने छ ।