एकीकृत समाजवादीको केन्द्रीय कमिटी बैठक आज पनि
नेकपा एकीकृत समाजवादीको प्रथम केन्द्रीय कमिटी बैठक आज पनि बस्दै छ । मंगलबारबाट बुद्ध नगरस्थित एक पार्टी प्यालेसमा जारी बैठकमा प्रस्तुत ५ वटा प्रस्तावमाथि छलफल हुँदै छ ।
एकीकृत समाजवादीका प्रचार विभाग प्रमुख जगनाथ खतिवडाका अनुसार गत सोमबारको बैठकमा राजनीतिक प्रस्ताव, केन्द्रीय कमिटी विस्तार, अस्थायी कार्ययोजना, चुनाव चिह्न प्रस्ताव र समसामयिक प्रस्ताव पेस गरिएको छ ।
अध्यक्ष माधव नेपालद्वारा उक्त प्रस्तावमाथि ५ वटा समूहमा आज बुधबार छलफल हुने बताएका छन् । नेपालले प्रस्तुत गरेको प्रतिवेदनमाथि पाँच वटा समूहमा छलफल गरेर छलफल गरेर निष्कर्ष निकालि आजै बैठक सम्पन्न गर्ने पार्टीको तयारी छ ।
