ओलीको रिटमा दुवै पक्षलाई झिकाउन सर्वोच्चको आदेश
नेकपा एमाले अध्यक्ष केपी शर्मा ओलीको रिटमा सर्वोच्च अदालतले दुवै पक्षलाई झिकाउने आदेश दिएको छ ।
प्रधानन्यायाधीश चोलेन्द्रशमशेर राणाको एकल इजलासले उक्त रिटमा अन्तरिम आदेश दिने र नदिनेबारे छलफल गर्न २८ गते दुवै पक्षलाई झिकाउने आदेश दिएको हो।
नेकपा एमालेले माधव नेपालसहित १४ र लुम्बिनीका २ सांसद पदमुक्त गर्ने पार्टीको निर्णय कार्यान्वयन नगराएको भन्दै सङ्घ र लुम्बिनी प्रदेशका सभामुखविरुद्ध रिट दायर गरेको थियो ।
यसै गरी नेकपा (एकीकृत समाजवादी) को दर्ता गैरकानूनी भएको भन्दै बदर गर्न मागसहित निर्वाचन आयोगविरुद्धको रिटमा लिखित जवाफ मागेको छ ।
प्रधानन्यायाधीश राणाको एकल इजलासले १५ दिनभित्र निर्वाचन आयोगसँग लिखित जवाफ मागेको हो । आदेशअनुसार जवाफ आएको तेस्रो दिनदेखि निरन्तर सुनुवाइ हुनेछ ।
अध्यक्ष ओलीको रिटमा रमेश बडाल, बाबुराम दाहाललगायतले बहस गरेका थिए ।