एमाले निर्वाचनपछि फेरि सरकारमा फर्कने प्रदीप ज्ञवालीको दावी
नेकपा एमालेका प्रवक्ता प्रदीप ज्ञवालीले निर्वाचनपछि एमाले फेरि सरकारमा फर्कने दावी गरेका छन् ।
नेकपा एमाले ललितपुर जिल्ला कमिटीले आज गरेको अगुवा कार्यकर्ता भेलामा बोल्दै प्रवक्ता ज्ञवालीले जनादेशको माध्यामबाट फेरी आफनो पार्टी सरकारमा फर्कने बताएका हुन् ।
तत्कालका लागि परमादेशबाट आफूहरु सरकारबाट हटनु परेको उल्लेख गर्दै उनले स्थानीय तहको निर्वाचन, प्रदेश तहको निर्वाचन र संघीय तहको निर्वाचनको तयारीमा जुट्न आह्वान गरे ।
प्रवक्ता ज्ञवालीले भूमि सम्बन्धि आयोग विघटन गरेको, दल फुटाउनेजस्ता लोकतन्त्र विरोधी गतिविधि गरेको, मन्त्रीपरिषदलाई अझै पूर्णता दिन नसकेको भन्दै सरकारको चर्को आलोचना गरे ।
उनले लिपुलेक नेपाली भूमिलाई समस्याको रुपमा चित्रण गरेर न्यूनतम साझा कार्यक्रम ल्याएको भन्दै सत्तारुढ दलहरुप्रति पनि आक्रोश व्यक्त गरे ।
