एमाले अध्यक्ष ओलीले आज विशेष सम्बोधन गर्ने
आज नेकपा एमालेका अध्यक्ष केपी शर्मा ओलीले विशेष सम्बोधन गर्ने भएका छन् ।
नेकपा एमाले जिल्ला कमिटी भक्तपुरले आयोजना गर्ने कार्यक्रममा अध्यक्ष ओलीले आज दिउँसो २ बजे भक्तपुरका एमाले कार्यकर्तालाई विशेष सम्बोधन गर्ने भएका हुन् ।
पछिल्लो राजनैतिक घटनाक्रमका बारेमा सम्बोधन गर्ने बताइएको छ । वरिष्ठ नेता माधव नेपालले एमालेबाट विद्रोह गरेर नयाँ पार्टी (नेकपा एमाले समाजवादी) दर्ता गर्न निर्वाचन आयोगमा निवेदन दिएको भोलिपल्ट ओलीले विशेष सम्बोधन गर्न लागेका हुन् ।
अध्यक्ष ओलीले पछिल्लो राजनीतिक घटनाक्रमका विषयमा सम्बोधन गर्न लागेको नेता महेश बस्नेतले जानकारी दिए । आजै एक अर्को कार्यक्रममा माधव नेपालले पनि सम्बोधन गर्ने तालिका छ ।