कोरोना मृत्युदर बढ्दो : आइतबार मात्रै ५५ जनाको मृत्यु, २५४८ संक्रमित थपिए
आज देशभर २५४८ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले बताएको छ ।स्वास्थ्य तथा जनसंख्या मन्त्रालयका अनुसार २४ घण्टामा २०१९ जना संक्रमणमुक्त भएका छन् ।
त्यस्तै आज कोरोना संक्रमणबाट ५५ जनाको मृत्यु भएको छ ।यससँगै देशभर कोरोना संक्रमितको कुल संख्या पीसीआरबाट ७ लाख १४ हजार ८७७ जना पुगेको छ । यस्तै एन्टिजेनबाट ६८ हजार ४७८ पुगेको छ ।
संक्रमितमध्ये हालसम्म ६ लाख ६९ हजार २९९ जना निको भएका छन् । यस्तै हालसम्म मृतकको कुल संख्या १ हजार ९३ जना पुगेको छ ।
हाल देशभर ८०२ जना आईसीयुमा रहेका छन् भने १८१ जना भेन्टिलेटरमा रहेका छन् । देशभर सक्रिय संक्रमित ३५ हजार बढी रहेका छन् ।
मन्त्रालयका अनुसार पछिल्लो २४ घण्टामा १२ हजार ३७८ जनामा परीक्षण भएको थियो ।
