सरकारमा सहभागी हुने नहुनेबारे छलफल गर्न आज नेपाल समूहको केन्द्रीय कमिटी बैठक
नेकपा एमालेको माधव कुमार नेपाल समुहको स्थायी कमिटी आज बस्ने भएको छ । बैठक आज बिहान ११ बजे बुद्धनगरस्थित एक पार्टी प्यालेसमा बस्ने भएको हो ।
सरकारमा सहभागी हुने नहुनेबारेमा निर्णय गर्न आज बैठक बस्न लागेको नेपाल समूहका एक नेताले जानकारी दिए । नेपाल पक्षको औपचारिक निर्णयपछि मात्रै प्रधानमन्त्री शेरबहादुर देउवाले मन्त्रिपरिषद्लाई पूर्णता दिने तयारी गरेका छन् ।
देउवालाई विश्वासको मत नदिएका नेपाल समुका नेताहरू सरकारमा नजाने पक्षमा छन् । पार्टी एकता जोगाउन लागिपरेका कार्यदलका सदस्यहरूले सरकारमा सहभागी नहुने बताएका छन् भने देउवालाई विश्वासको मत दिएका नेताहरू सरकारमा सहभागी हुनुपर्ने भन्दै नेता नेपाललाई दबाब दिइरहेका छन् ।
सरकारमा सहभागी भए नेपाल समूह र माओवादी केन्द्रलाई ६र६ मन्त्रालय दिने प्रधानमन्त्री देउवाको तयारी छ । जसपाको भागमा ४ तथा काँग्रेसलाई ८ मन्त्रालय पर्ने देखिएको छ।
प्रधानमन्त्री देउवा नियुक्त भएको तीन हप्ता बितिसक्दा पनि सरकारले पूर्णता पाउन नसक्दा सरकारका कामकारबाही प्रभावकारीरुपमा सञ्चालन हुन सकिरहेका छैनन् ।
