नेता झलनाथ खनाललाई थप उपचारका लागि नयाँ दिल्ली लगिंदै
नेकपा एमालेका वरिष्ठ नेता झलनाथ खनाललाई थप उपचारका लागि आज नयाँ दिल्ली लगिंदै छ ।
स्वास्थ्यमा समस्या आएपछि नर्भिक अस्पतालमा उपचार गराइरहेका खनाललार्ई बुधबार दिउँसो साढे बाह्र बजे दिल्ली लैजान लागिएको खनालको सचिवालयले जनाएको छ ।
खनालको उपचार दिल्लीको एपोलो अस्पतालमा हुने छ ।खनाललाई ज्वरो आएपछि र रगतमा हेमोग्लोबिनको मात्रा कम भएपछि गत सोमबार बिहान काठमाडौंको नर्भिक अस्पतालमा भर्ना गरिएको थियो ।
यसअघि कोरोना संक्रमित भएका खनाल लामो समय नर्भिक अस्पतालमा नै उपचार गरेर घर फर्किएका थिए ।