स्वास्थ्यकर्मीमाथि आक्रमणमा संलग्नलाई हदैसम्म कारबाही गर्न उपप्रधानमन्त्रीको निर्देशन
बाँकेका प्रमुख जिल्लाअधिकारीलाई उपप्रधानमन्त्री ईश्वर पोखरेलले फोन गरी स्वास्थ्यकर्मीहरुमाथि आक्रमण गर्नेहरुलाई हदैसम्म कारबाही गर्न निर्देशन दिएका छन् ।
कोरोना संक्रमितको मृत्यु भएको विषयलाई लिएर बिहीबार (हिजो) राति चिकित्सक र नर्समाथि आक्रमण भएको थियो ।
उक्त बिषयमा जानकारी लिन आज प्रजिअ शिवराम गेलाललाई टेलिफोन गरेका पोखरेलले यो घटना अमानवीय र गम्भीर अपराध भएको बताएका छन् । घटनामा संलग्नलाई हदैसम्म कारबाही गर्न पोखरेलले निर्देशनसमेत दिएका छन् ।
अहिले उक्त घटनाबारे छानविन भइरहेको छ भने, तीन जना पक्राउ परिसकेका छन् ।