गोली प्रहारबाट घाइते माओवादी नेता दीपक पाण्डेको मृत्यु
गोली प्रहारबाट गम्भीर घाइते नेकपा माओवादी जिल्ला कमिटी सदस्य दीपक पाण्डेको मृत्यु भएको छ । गोली प्रहारबाट घाइते भएका पाण्डेको उपचारका क्रममा सोमबार राति मृत्यु भएको हो ।
पाण्डेको काठमाडौंस्थित त्रिवि शिक्षण अस्पतालमा मृत्यु भएको हो ।पाण्डेलाई भैरहवास्थित मेडिकल कलेजमा उपचार सम्भव नभएपछि गृह मन्त्रालयले हेलिकप्टरबाट काठमाडौं ल्याएको थियो ।
पाण्डेलाई बुधबार राति ११ बजे कपिलवस्तु नगरपालिका–३ सडवामा गोली प्रहार गरिएको थियो ।उनको शरीरका दुई ठाउँमा गोली लागेको थियो । गोली हान्ने दुई जना पक्राउ परेका छन् । एक जना फरार छन् ।
