गोरखामा भेटियो संरक्षित कालो सालक
गण्डकी प्रदेश स्थित गोरखामा संरक्षित कालो सालक फेला परेको छ ।
जिल्ला वन कार्यालय गोरखाले गोरखा र धादिङ जोड्ने बुढीगण्डकी नदी किनारमा हिँड्दै गरेको अबस्थामा सालकको उद्धार गरिएको जनाएको छ ।
वन कार्यालयका अनुसार सोमबार आरुघाट गाउँपालिका ९ मा अलपत्र परेको अवस्थामा उक्त सालक भेटिएको हो । भेटिएको सालकलाई गोरखा नगरपालिकाको एक सामुदायिक वनमा ल्याएर छोडिएको कार्यालयले जानकारी दिएको छ ।
गोरखा नगरपालिकाको ठूलो वन क्षेत्रमा पनि यसअघि धेरै पटक सालक फेला परेको कार्यालयले जनाएको छ ।