पछिल्लो २४ घण्टामा १९३ जनाको मृत्यु, थप ७,९१४ जनामा कोरोना पुष्टि
नेपालमा अहिले कोरोना संक्रमणको दोस्रो लहर फैलिरहेको अवस्थामा आज देशभर ७ हजार ९१४ जना कोरोना संक्रमित थपिएका छन् । साथै पछिल्लो २४ घण्टामा कोरोना संक्रमणबाट १९३ मृत्यु भएको छ ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा १८ हजार ९६५ पीसीआर टेष्ट गर्दा ७ हजार ५९८ र ९३१ एन्टिजेन टेष्ट गर्दा ३१६ जना संक्रमण पुष्टि भएको हो ।
नयाँ संक्रमितमध्ये २,८२१ काठमाडौँ उपत्यकाका रहेका छन् । जसमा काठमाडौँका १७८१, ललितपुरका ६९४ र भक्तपुरका ३६६ जना छन् ।
पछिल्लो २४ घण्टामा ७,६६४ जना संक्रमण मुक्त भएका छन् ।
