डिभी २०२२ को नतिजा सार्वजनिक, यसरी हेर्न सकिन्छ आफ्नो रिजल्ट!
अमेरिकी डिभी चिट्ठा २०२२ को नतिजा सार्वजनिक भएको छ ।
गए राति डिभी २०२२ को नतिजा सार्वजनिक भएको काठमाडौंस्थित अमेरिकी दूतावासले जनाएको छ । डिभी परे/ नपरेको नतिजा अनलाइन आवेदन दिँदा उपलब्ध गराइएको कन्फर्मेशन नम्बरको आधारमा dvprogram.state.gov वेबसाइटमा गएर निःशुल्क हेर्न सकिनेछ ।
छनौट हुन सफल आवेदकहरूलाई त्यसपछिको प्रक्रियाको बारेमा जानकारी सोही वेबसाइटमा नै उपलब्ध रहेको दूतावासले जनाएको छ ।
डिभी विजेता भनेर कुनै इमेल नआउने तथा भिसा अन्तर्वार्ताका लागि अग्रिम शुल्क पनि नमागिनेसमेत अमेरिकी दूतावासले स्पष्ट पारेको छ ।
