ओलीले आफ्नो गुटमा तान्न जनप्रतिनिधिलाई धम्क्याउन थालेको रावलको आरोप
प्रधानमन्त्री केपी शर्मा ओलीले आफ्नो गुटमा नआए पद खोस्ने भन्दै जनप्रतिनिधिलाई धम्क्याउन थालेको नेकपा एमालेका नेता भीम रावलले आरोप लगाएका छन् ।
आज दिउँसो सुदुरपश्चिम प्रदेश पार्टी कार्यालयमा आयोजित पत्रकार सम्मेलन गर्दै नेता रावलले जनप्रतिनिधिलाई ओलीले गुटमा तान्न धम्क्याउने गरेको आरोप लगाएका हुन्।
रावलले भने-‘प्रधानमन्त्रीले वडा, पालिका र विभिन्न पदमा निर्वाचित जनप्रतिनिधिहरूलाई गुटमा तान्ने प्रयास गर्दैछन्। प्रधानमन्त्रीले धम्क्याउने र तर्साउने क्रियाकलाप गर्नु निन्दनीय छ ।’
प्रधानमन्त्री ओलीले को जनप्रतिनिधिलाई धम्क्याएको वा तर्साएको भन्नेबारे उनले नाम खुलाएनन्। निर्वाचित प्रतिनिधिको पद प्रधानमन्त्रीले धम्क्याउँदैमा नजाने उनको भनाइ रहेको थियो।
आफूमाथि ओलीले गरेको कारवाही विधानअनुसार नभएकोसमेत उनले बताएका छन् । ओलीले रावललाई छ महिनाका लागि पार्टीबाट निलम्बन गरेका छन्।
नेता रावलले भने,–‘नवौं महाधिवेशनको निर्देशन विपरीत, विधानविपरीत काम गर्ने ओली आफैँ अवैध हुन्, अवैध मान्छेले गरेको कारवाही वैध हुँदैन ।