गोंगबुको गोदावरी सन्तोषी गेस्ट हाउसमा शव फेला
काठमाडौं स्थित गोंगबुको गोदावरी सन्तोषी गेस्ट हाउसमा शव फेला परेको छ । काठमाडौं महानगरपालिका-२७ मित्र नगर स्थित गोंगबुको गोदावरी सन्तोषी गेस्ट हाउसमा स्याङ्जा घर भएका नारायण बहादुर घर्ती क्षेत्रीको शव भेटिएको महानगरीय प्रहरी परिसर काठमाडौंले जानकारी दिएको छ ।
गेस्ट हाउसको कोठा नम्बर २०४ मा शव भेटिएको हो । सो कोठा राजु क्षेत्रीको नामबाट बुक गरिएको गेस्ट हाउसको रेकर्डमा देखिएको छ ।
शव पोष्टमार्टमका लागि त्रिवि शिक्षण अस्पताल महाराजगञ्जमा पठाइएको छ । घटनाबारे अनुसन्धान भइरहेको प्रहरीले बताएको छ ।
