सर्लाहीमा २ किलो गाँजासहित एक युवक पक्राउ
प्रदेश नं २ स्थित सर्लाहीबाट २ किलो गाँजासहित एक युवकलाई प्रहरीले पक्राउ गरेको छ ।
सिन्धुलीको बरुणबाट लालबन्दीतर्फ आउँदै गरेको यात्रुबाहक बसलाई लालबन्दी नगरपालिका-७ मा चेकजाँच गर्दा बसमा सबार १९ वर्षीय सुवास मोक्तान २ किलो २०० ग्राम गाँजासहित पक्राउ परेका हुन् ।
लालबन्दी नगरपालिका १४ डाइनी खोला घर बताउने मोक्तान झोलामा गाँजा राखेका थिए । उनलाई नियन्त्रणमा लिई अन्य अनुसन्धान सुरु गरिएको सर्लाही प्रहरीले जानकारी दिएको छ ।
