शेरबहादुर देउवा चढेको हेलिकोप्टर गोरखामा आकस्मिक अवतरण
नेपाली कांग्रेसका सभापति शेरबहादुर देउवा चढेको हेलिकोप्टरलाई मौसम खराबी भएपछि गोरखामा आकस्मिक अवतरण गरिएको छ ।
गोरखाका प्रमुख जिल्ला अधिकारीका अनुसार पालुङटार नगरपालिकाको आँपपीपल क्षेत्रमा हेलिकोप्टरलाई आकस्मिक अवतारण गराइएको हो ।
काठमाडौंबाट पर्वतका लागि उडान भरेको हेलिकोप्टर गोरखामा अवतरण गरिएको हो । मौसम खराबी भएपछि हेलिकोप्टरलाई आकस्मिक अवतरण गराइएको देउवाका स्वकीय सचिव भानु देउवाले जानकारी दिए ।
सभापति देउवा कांग्रेस पर्वतका नेता हरिदत्त तिवारीको स्मृति दिवसमा भाग लिन पर्वत जाँदै थिए । उक्त हेलिकोप्टरमा देउवासँगै नेताहरू गोपालमान श्रेष्ठ र अर्जुन पनि जोशी सवार थिए । हेलिकोप्टर मौसम सफा भएपछि गन्तव्यतर्फ जाने स्वकीय सचिवले बताएका छन् । ।