आज देशभर थप ४२६ जनामा कोरोना पुष्टि, ७४८ संक्रमणमुक्त, ८ को मृत्यु
नेपालमा आज थप ४२६ जनामा कोरोना संक्रमण पुष्टि भएको छ ।
योसँगै नेपालमा अहिलेसम्म कुल संक्रमितको संख्या २ लाख ६१ हजार १९ पुगेको स्वास्थ्य तथा जनसंख्या मन्त्रालयले जनाएको छ।
२४ घण्टाभित्रमा ५ हजार २२५ पिसिआर परीक्षण गर्दा ४ सय २६ जनामा कोरोना पुष्टि भएको स्वास्थ्य मन्त्रालयले जनाएको छ।
आज थप ७४८ जना उपचारपछि डिस्चार्ज भएका छन्। योसँगै नेपालमा अहिलेसम्म कोरोना निको हुनेको संख्या २ लाख ५३ हजार १०७ पुगेको मन्त्रालयले जनाएको छ।
आज थप ८ जना कोरोना संक्रमितको मृत्यु भएको छ। योसँगै नेपालमा कारोनाबाट मृत्यु हुनेको संख्या १ हजार ८६४ पुगेको स्वास्थ्य मन्त्रालयले जनाएको छ।
जसमध्ये ६ हजार ४८ जना सक्रिय संक्रमित छन्। हाल ३ सय ६७ जना क्वारेन्टाइनमा छन्।नेपालमा पिसिआर परीक्षण हुनेको संख्या १९ लाख ३७ हजार ७ सय २ पुगेको छ।