काठमाडौंमा आज यस बर्षकै बढी जाडो, तापक्रम ३ डिग्री सेल्सियस
काठमाडौँ उपत्यकामा दिनप्रतिदिन चापक्रम घट्दो अवस्थामा रहेको छ । आज काठमाडौंमा अहिलेसम्मकै बढी चिसो जाडो रहेको छ । आज काठमाडौँ उपत्यकाको न्यूनतम तापक्रम ३ डिग्री मापन गरिएको छ ।
‘विहान ६ बजे गरिएको मापनमा काठमाडौँको न्यूनतम तापक्रम ३ डिग्री सेल्सियस देखिएको मौसमविदले जानकारी दिएका छन् । यो तापक्रम यस वर्षकै सबैभन्दा कम तापक्रम हो ।
तराई–मधेसका अधिकांश भागमा हुस्सु लागेको जल तथा मौसम विज्ञान विभागको मौसम पूर्वानुमान महाशाखाले जनाएको छ ।
आज प्रदेश नं.१, प्रदेश २, बागमती प्रदेश, गण्डकी प्रदेश र लुम्बिनी प्रदेशका भूभागहरुमा आंशिक बदली रही बाँकी भेगमा मौसम सामान्यतया सफा रहने महाशाखाले जनाएको छ ।
तराईका अधिकांश भाग र पहाडका केही भागहरुमा हुस्सु तथा कुहिरोको कारण वायुको पारदर्शितामा कमी हुन गइ सडक तथा हवाई यातायात प्रभावित हुन सक्ने सम्भावना रहेकाले सतर्कता अपनाउन महाशाखाको अनुरोध छ ।
