अविरल वर्षापछि मुलुकका विभिन्न स्थानमा आएको बाढी र पहिरो (फोटोफिचर)
- नागरिक टाइम्स/संवाददाता
२९ असार २०७७, सोमबार ००:००
आइतबार रातिदेखि परेको भीषण वर्षापछि तनहुँको बुल्दीखोलामा आएको बाढीले डुबानमा परेका घर । तस्वीर : रासस
यस वर्षको मनसुन शुरु भएयता बाढी र पहिरोमा परी ८५ जनाको मृत्यु हुनका साथै ४६ जना बेपत्ता भएको छ । मुलुकका विभिन्न भागमा भएका बाढी र पहिरोका घटनाबाट १३४ घर पूर्णक्षति भएको छ ।
बाढी पहिरोबाट १४ जिल्लाका ११ हजार घर उच्च जोखिमा रहेकामा ७०७ घर भने तत्काल स्थानान्तरण गर्नुपर्ने अवस्थामा रहेको दिइएको छ ।
आइतबार रातिदेखि परेको भीषण वर्षापछि तनहुँको मादी नदीमा आएको बाढीले डुबानमा परेको व्यास नगरपालिकास्थित शिवपञ्चायन क्षेत्र । तस्वीर : राससबागलुङ जिल्ला सदरमुकाम हुँदै रेश जाने सडकमा पुल नहुँदा जिरेदीखोलामा जोखिम मोलेर सवारी वारपार गरिँदै । उक्त खोलामा गण्डकी प्रदेश सरकारले करीब रू छ करोडको लागतमा पुल निर्माण थालेपनि वर्खा लागेका कारण निर्माणमा ढिलो भएको छ । तस्वीर : राससतनहुँको ऋषिङ गाउँपालिका८ पल्टयाङमा सोमबार पहिरोले घर पुरिँदा बेपत्ता भएकाको खोजी गर्दै प्रहरी र स्थानीयवासी । स्थानीय अनबहादुर थापाको घर पुरिँदा एकै परिवारका पाँच जना बेपत्ता भएका छन । तस्वीर : रासस जुम्लाको गुठीचौर गाउँपालिकास्थित कच्ची सडकमा फसेको प्रेसको मोटरसाइकल । सडक ग्राभेलिङ नहुदाँ बर्खाको समयमा जोखिम मोलेर आवतजावत गर्नुपर्ने समस्या नागरिकको रहेको छ । तस्बिर : रासस
