यी १९ एसपीहरु एसएसपीका लागि बढुवा सिफारिस
नेपाल प्रहरीका १९ जना प्रहरी उपरीक्षक(एसपी) वरिष्ठ प्रहरी उपरीक्षक (एसएसपी)मा बढुवामा सिफारिस भएका छन् ।
गृहसचिव महेश्वर न्यौपानेको अध्यक्षतामा बसेको बढुवा सिफारिस समितिको बैठकले मंगलबार १९ जनालाई बढुवा सिफारिस गरेको हो ।
बैठकले वीरेन्द्रकुमार बस्याल, जनक भट्टराई, विष्णुबहादुर केसी, भरतबहादुर बोहरा, कुवेर कडायत, केदार ढकालको नाम सिफारिस गरेको छ ।
त्यस्तै, अशोक सिंह, सुदीप गिरी, दुर्गा सिंह, रवीन्द्र केसी, राजेश बाँस्तोला, किरण राणा, नवराज भट्ट, लालमणि आचार्य, यज्ञमणि पोखरेल, हृदय थापा, राजकुमार बैदवार, मुकेश सिंह र चन्द्रकुवेर खापुङ पनि सिफारिस भएका छन् ।
बढुवामा केही सिनियरलाई छुटाएर जुनियरलाई राखिएको भन्दै आलोचना भएको छ । चक्रबहादुर सिंह, सुरेन्द्र मैनाली, कृष्णकुमार महत लगायत छुटेका छन् ।
जुनियर एसपी चन्द्रकुवेर खापुङलाई बढुवा सिफारिस गरिएको छ । बढुवा सिफारिसउपर एक साताभित्र उजुरी गर्न सक्ने प्रावधान छ ।
