लकडाउनको सदुपयोग गर्दै सुरु भयो गौशला–चावहिल सडक निर्माणको काम
नेपालमा कोरोना रोकथाम तथा नियन्त्रणको लागि देशै भरि लकडाउन लगाइरहेको अवस्थामा यतिबेला भने काठमाण्डौमा विभिन्न सडक निर्माण कार्य भइरहेको छ ।
सो लामो समय देखि अस्तव्यस्त रहेको गौशाला चावहिल सडक निर्माण कार्य पनि यतिबेला सुरु भएको छ । पुराना पाइप हटाइएको र सडकको बीचमा नभइ सडकको छेउबाट पाइप लैजाने काम भएको विभागको दाबी छ ।
खानेपानीका पाइप सडकको बीच भागमुनि रहँदा पटक पटक भत्काउनुपर्ने बाध्यतालाई सधैँका लागि अन्त्य गर्दै काम थालिएको सडक विभागले जनाएको छ ।
यो सडकलाई लकडाउन अवधिभित्रै सक्ने पनि काठमाण्डौ सडक डिभिजन प्रमुख कुवेर नेपालीले जानकारी दिए ।‘सडकको काम सुरु भइसक्यो, टिप्परहरु माटो र गिटी ल्याउन काभ्रेतर्फ गएका छन्, लकडाउनभरिमा काम सक्ने हिसाबले लागेका छौँ ।
अब यो सडकको समस्या स्थायी रुपमै समाधान हुन्छ’, काठमाण्डौ सडक डिभिजन प्रमुख कुवेर नेपालीले बताएका छन् ।
यस्तै थापाथली–त्रिपुरेश्वर सडकमा ‘ओभर ले’ को काम पनि सुरु भएको छ । ‘सामान्य अवस्थामा यी सडकमा पिच थप्न निकै गाह्रो छ, लकडाउनका बेला सहज हुने भएकाले हामीले सुरक्षाका उपाय अपनाएर काम थालेका हौँ’, नेपालीले भने ।
एअरपोर्ट–सडक कालोपत्रे सकियो, थापाथली–त्रिपुरेश्वरमा काम हुँदै लकडाउनका कारण अधुरो रहेको एअरपोर्ट–गौशला सडकमा शनिबार दिनभर कालोपत्रे भएको छ ।
यो सडकखण्डको काम लगभग सकिएको र अब एक दुई दिनमा सडकमा रङ्ग रोगन गर्ने डिभिजन प्रमुख कुवेर नेपालीले जानकारी दिए ।