भारतीय क्रिकेट बोर्डद्वारा कोरोना विरुद्धको अभियानमा ५१ करोड सहयोग
यतिबेला विश्वनै कोरोना माहामारीको चपेटामा परेको बेला छिमेकी देश भारतमा कोरोना भाइरसविरुद्धको अभियानमा खेलाडी तथा खेल सङ्घहरुले अहिलेको अवस्थालाई मध्यनजर गरि आ-आफ्नै तरिकाले सहयोग गर्ने घोषणा गरेका छन् ।
भारतीय क्रिकेट बोर्ड (बीसीसीआई) ले पनि कोरोना भाइरस (कोभिड- १९) विरुद्धको अभियानमा ‘पीएम-केयर्स-फण्ड’ मा ५१ करोड भारतीय रुपैयाँ सहयोग गरेको छ ।
बीसीसीआईका अध्यक्ष सौरभ गांगुली, सचिव जय शाह, बोर्डका पदाधिकारी र अन्य राज्य सङ्घले शनिबार प्रधानमन्त्री सुरक्षा कोषमा ५१ करोड भारतीय रुपैयाँ जम्मा गरेका हुन् ।
भारतमा कोरोना भाइरसका कारण अहिलेसम्म १ हजार २९ जनामा सङ्क्रमण देखिएको छ भने २५ जनाको मृत्यु भइसकेको छ ।