आजको मौसम : देशका विभिन्न स्थानमा वर्षा र हिमपातको सम्भावना
बुधवार देशका पश्चिमी भूभागमा सामान्य देखि पूर्ण बदली रहेको छ । मौसम पूर्वानुमान महाशाखाका अनसार, बुधवार अन्य भूभागमा सामान्यदेखि आंशिक बदली रहेको छ ।
बुधवार दिउँसो भने पश्चिम र मध्यका केहि स्थानहरुमा हल्का देखि मध्यम बर्षाको संभावना रहेको महाशाखाको भनाइ छ । यस्तै, पूर्वी भूभागमा हल्का बर्षाको सम्भावना छ ।
पश्चिमी न्युन चापिय प्रणालीको प्रभावका कारण देशभर मौसममा बदली देखिएको महाशाखाले जारी गरेको बुलेटिनमा उल्लेख गरिएको छ ।
देशका उच्च पहाडी तथा हिमाली भूभागका केही स्थानहररूमा मध्यम देखि भारी हिमपात हुने सम्भावना रहेको महाशाखाले जनाएको छ । राती पनि यही क्रम जारी रहने अनुमान गरिएको छ ।
