रौतहटमा पानीमा डुबेर ३ बालिकाको मृत्यु
रौतहट : प्रदेश २ स्थित रौतहटको इशनाथ नगरपालिका वाड नं. १ बन्जरहामा ३ जना बालिकाको डुबेर मृत्यु भएको छ । बिहीबार साँझ इशनाथ नगरपालिका वाड नं. १ मा रहेको धान खेतसंगै को खाल्डोमा माछा मार्न गएका ३ बालिकाको ज्यान गएको हो ।
मृत्यु हुनेमा सोही गाउँ निवासी बृजनन्दन यादवको १० वर्षकी छोरी किन्जल यादव, ६ वर्षकी छोरी गुन्जन यादव र हिरालाल साह को ७ वर्षकी छोरी सरिता साह रहेकी जिल्ला प्रहरी कार्यालय रौतहटका डिएसपी नवीन कार्कीले जानकारी दिए ।
खाल्डोमा जमेको पानीमा माछा मार्न गएका उनीहरु साझसम्म पनि घर नफर्किए पछि अभिभावकले खोज तलाश गर्ने क्रममा उनिहरु मृत अवस्थामा फेला परेका थिए ।