प्रदेश २ स्थित सप्तरीमा पनि भेटिए कोरोना संक्रमित, अब संक्रमितको संख्या १२१ पुग्यो
प्रदेश २ स्थित सप्तरी जिल्लामा पनि कोरोना संक्रमित भेटिएका छन् । संघीय सरकारको स्वास्थ्य तथा जनसंख्या मन्त्रालयका अनुसार सप्तरीको डाक्नेश्वरी नगरपालिका वडा नं ३ मा १८ वर्षका युवकमा कोरोना संक्रमण पुष्टि भएको हो ।
योसँगै हाल नेपालमा कोरोना संक्रमितको संख्या १२१ पुगेको छ । सोमबार नै कपिलवस्तुमा १० जनामा कोरोना संक्रमण पुष्टि भएको थियो ।
