निकै निडर स्वभावका इनरुवाका पारस यादवको मृत्युको कारण के ? अब सम्झनामा यी तस्विरहरु
प्रदेश १ स्थित सुनसरी सदरमुकाम इनरुवाका पारस यादव अब रहेनन् ।
बिहिबार बिहान ५ बजे झुण्डिएको अवसथामा उनको शव फेला परेको हो ।
सुरुमा यमहाको मोटरसाइकलको सोरुम र हाल टिभिएस मोटरसाइकलको सो रुमका संचालक समेत रहेका यादवले आत्महत्या गरेको प्रहरीले बताएका छन् ।
सो रुपमको सिसि टिभि फुटेजमा उनले अत्महत्या नै गरेको देखिएको सुनसरी प्रहरीका प्रमुख यज्ञविनोद पोखरेलले बताए ।
सोरुमकै अगाडी सटर लगाएर एउटा रडमा पासो लगाई आत्महत्या गरेको देखिएको छ ।
एउटा झोला समेत पुठयुमा देखिन्छ । उक्त झोलामा के छ वा अन्य कारण के हुन सक्नेबारे प्रहरीले थप केहि खुलाएको छैन ।
निकै मोटो रकमको ऋणमा डुबेका लो तनावकै कारण उनले आत्महत्या गरेको हुनसक्ने स्थानीयले बताएका छन् ।
पारस निकट आफन्तका अनुसार उनी केहि महिनायता डिप्रेसनमा थिए । आत्महत्या गर्दै गरेको दृष्य घरमा जडान गरिएको सीसी क्यामेरामा कैद छ ।
जसमा पारसले पटक पटक आत्महत्याको प्रयास गरेको देखिएको बताइएको छ ।
इनरुवा २ घर भएका पारस यादवको शव विहानीपख घरमा झुण्डिएको अवस्थामा भेटिएको थियो । निकै निडर र हकी स्वभावका यादव इनरुवा सहितको क्षेत्रमा बेग्लै पहिचान बनाएका व्यक्तिका रुपमा हेरिन्थे ।
पछिल्लो समय राजनितिमा सकृय यादव स्थानीय तहको निर्वाचनमा राप्रपाबाट इनरुवा नगर प्रमुख पदकालागि उम्मेद्वार समेत बनेका थिए ।
मोटरसाइकल सोरुम संचालन गर्दै आएका यादव इनरुवामा व्यवसायीका रुपमा समेत जम्ने प्रयत्न गर्दै थिए । पछिल्लो समय पारस सामाजिक क्षेत्रमा समेत सकृय रहँदै आएका थिए ।
मृतक यादवको शवको इनरुवा अस्पतालमा पोष्टमाटम गरिएको छ । धार्मिक परम्परा अनुसार सुनसरी खोलामा उनको दाहसंस्कार गरिएको छ । २०१६ साल बैशाखमा जन्मेका पारसका दुई छोरा, एक छोरी र श्रीमती छन् ।
