पौडेल पक्षलाई सहमतिमा ल्याउन देउवा पक्ष असफल, बैठक बहिस्कार गरेर पाथीभराको दर्शन गर्न गए पौडेल
वरिष्ठ नेता रामचन्द्र पौडेल पक्षबिनै कांग्रेस केन्द्रीय कार्यसमितिको बैठक सुरु भएको छ ।
दिउँसो १ बजे डाकिएको बैठक ३:३० बजे मात्रै सुरु भएको हो । पौडेल पक्षलाई सहमतिमा ल्याउन सभापति शेरबहादुर देउवा पक्षका नेताहरुले दुई दिन प्रयास गरे पनि सफल भएनन्।
शनिबार कांग्रेसका प्रवत्ता विश्वप्रकाश शर्माले दुई पक्षबीच सहमति नभए पनि आइतबारको बैठक बस्ने र गत बिहीबार पेश भएका एजेण्डाहरू पारित हुने बताएका थिए ।
बैठक बहिस्कार गरेर वरिष्ठ नेता पौडेल पाथीभरा दर्शनको लागि गएका छन्।
यता, आइतबार बिहान पौडेल पक्षका नेताद्वय प्रकाशमान सिंह र महामन्त्री शशांक कोइरालाले छलफल गरी बैठकमा नजाने निर्णय गरेका थिए।
