सिरियामा भएको बारुदी सुरुङ विस्फोटनमा परी ७ बालबालिकाको मृत्यु
दमास्कस : पूर्वी सिरियाको डिएर एजजोर प्रान्तस्थित दब्लान गाउँमा बारुदी सुरुङ विस्फोट हुँदा कम्तीमा ७ बालबालिका मारिएका छन् ।
आतंकवादी संगठन इस्लामिक स्टेटले बेवारिसे अवस्थामा छाडेको बारुदी सुरुङ विस्फोट हुँदा ७ बालबालिकाको मृत्यु भएको सिरियाको सरकारी टेलिभिजनले जनाएको छ ।
आतंकवादी संगठन इस्लामिक स्टेट परास्त भएका सिरियाका धेरै क्षेत्रमा बेबारिसे बारुदी सुरुङ, ग्रिनेड र अन्य घरेलु बम भेटिने गरेका छन् । यस्ता विस्फोटक पदार्थमा परी नियमितजस्तै सर्वसाधारणको ज्यान जाने गरेको छ ।
गत अप्रिल ११ मा दक्षिणी सिरियामा जमिनमा बिछ्याइएको बारुदी सुरुङ पड्किएर तीन बालबालिकाको ज्यान गएको थियो ।
