रुपन्देहीमा छोराले जलाइदिए आफ्नै आमाको घर
बुटवल : रुपन्देहीको सैनामैना नगरपालिकामा छोराले आफ्नै आमाको घर जलाइदिएको खबर छ । नगरपालिका-१ की कुन्तादेवी घिमिरेको घर उनकै माईला छोरा माधव घिमिरेले जलाएर नष्ट पारिदिएका हुन् ।
उक्त आगलागीमा घिमिरेको पुरै घर जलेर नष्ट हुनुका साथै २० लाख बराबरको क्षति भएको सैनामैना प्रहरी चौकी प्रमुख प्रहरी नायब निरीक्षक बाबुराम घिमिरेले बताए ।
माईला छोरा माधवले आमा र दाजु भाउजु बस्ने टिनले छाएको माटाको एक तले घर घरयासी रिसिवीका कारण जलाइएको सई घिमिरेको भनाई छ । कुनै मानवीय र क्षति नभएको घिमिरेले बताए । नगरपालिकाबाट गएको दमकलले आगलागी नियन्त्रणमा लिएको घिमिरेले बताए ।