Logo
June 18, 2019

‘सामाजिक उत्तरदायित्वका लागि पत्रकारिता’

‘देउवा नै वेल घेर्न गएकोमा आश्चार्य लाग्यो’ : प्रधानमन्त्री

काठमाडौ : प्रधानमन्त्री केपी शर्मा ओलीले सभापति शेरबहादुर देउवा नै वेल घेर्न गएकोमा आश्चार्य लागेको बताएका छन् ।

मङगलबार सिंहदरवारमा पत्रकार सम्मेलन गर्दै प्रधानमन्त्री ओलीले काँग्रेसको पछिल्लो व्यवहार आश्चार्यजनक भएको र संसदमा बोल्न नदिन देउवा नै वेल घेर्न गएकोमा आश्चार्य लागेको बताएका हुन् ।

‘प्रधानमन्त्रीले संसदमा बोल्न समय लिइसकेपछि प्रधानमन्त्रीभन्दा अगाडि आफुले बोल्न पाउनुपर्छ भन्ने लोकतन्त्रमा कहीँ हुँदैन । प्रधानमन्त्रीलाई बोल्न रोक्न कुनै विषयमा मतभेद पनि होइन ।

पहिला प्रधानमन्त्री र त्यसपछि प्रतिपक्षी दलको नेताले बोल्ने विश्वव्यापी प्रचलन हो,’ प्रधानमन्त्रीले अगाडि भने, ‘हरेक क्षेत्रमा निहँु खोज्ने काँग्रेसले आश्चर्यजनक व्यवहार गर्यो । म आश्चर्यचकित भएको छु ।’

प्रधानमन्त्रीले संसदमा बोल्न नपाएपछि पत्रकार सम्मेलन नगरेको भन्दै संसदमा अमर्या्दित कृयाकलाप भएपछि देशवासीको ध्यानाकर्षण मात्र गराएको बताए । उनले संसदमा बोल्नुपर्ने विषय समय क्रममा बोल्ने पनि स्पष्ट पारे ।

‘म स्मरण गर्न चाहान्छु । हामीले धेरै लामो बलिदानपूर्ण संघर्षबाट आजको व्यवस्था ल्याएका हौै । तर आज लोकतन्त्र, गणतन्त्र र लोकतान्त्रिक प्रयासका विरुद्ध अलोकतान्त्रिक शक्तिहरुको मोर्चावन्दी स्पष्ट देखा परेको छ ।

लोकतान्त्रिक गणतन्त्रका विरुद्ध अति दक्षिणपन्थीदेखि अति उग्रवामपन्थीहरु एकजुट भएको अवस्था छ ’ प्रधानमन्त्रीको भनाई छ । उनले त्यस्ता प्रवृतिहरुप्रति सजग हुनुपर्ने भन्दै उनले लोकतान्त्रिक शक्तिहरु नै देशको अवस्था विथोल्न लागेको पनि बताए ।

परिवर्तनकारी शक्तिहरु नमिल्दा र प्रतिकृयावादी शक्तिसँग मिलेकाले नै २००७ सात सालपछि संविधान बन्न लामो समय लागेको भन्दै प्रधानमन्त्री ओलीले २०१७ को घटना भएको स्मरण गराए ।

लोकतान्त्रिक आवरणभित्र प्रतिकृयावदी र प्रतिगामी र संकिर्णवादी चरित्र रहेको प्रधानमन्त्रीको भनाई छ ।

उनले काँग्रेसको यस्तै चरित्र रहे लोकतान्त्रिक अभ्यास अघि बढ्न नसक्ने चेतावनी दिए । प्राप्त उपलव्धिको रक्षा गर्नु सवैको दायित्व रहेको भन्दै उनले वर्तमान सरकार लोकतन्त्र र रष्ट्रियताप्रति दृढसंकल्प रहेको बताए ।

प्रकाशित मिति: ३ असार २०७६, मंगलवार १८:३३

प्रतिक्रिया दिनुहोस्