Logo
|| November 2, 2018

‘सामाजिक उत्तरदायित्वका लागि पत्रकारिता’

पार्कको किनाराबाट सेल्फी खिच्ने भारतीय दम्पत्तीको मृत्यु

सेल्फी खिच्ने क्रममा भीरबाट खस्दा संयुक्त राज्य अमेरिकाको योसेमाइट नेशनल पार्कमा एक भारतीय जोडीको मृत्यु भएको छ । पार्कको किनाराबाट ८ सय फिट तल खस्दा भारतीय दम्पत्ती २९ वर्षीय विश्वनाथ र ३० वर्षीया मीनाक्षी मूर्तिको मृत्यु भएको हो।

उनीहरु इञ्जिनियरिङ अध्ययन गर्ने विद्यार्थी हुन् । भीरबाट खस्नुअघि उनीहरुले तस्बिर लिन ट्राइपोड मिलाएको प्रत्यक्षदर्शीले जनाएका छन् ।

यो सेल्फी खिच्ने अमेरिकाको एक प्रसिद्ध पर्यटकीय स्थल हो । अघिल्लो सोमबार भएको घटनामा ज्यान गुमाएका दम्पत्तीको शव हेलिकप्टर र दूरबिनको प्रयोग गरी निकालिएको थियो ।

सन् २०११ को अक्टोबरदेखि सन् २०१७ को नोभेम्बरसम्ममा सेल्फी खिच्ने क्रममा २ सय ५० जनाको ज्यान गएको प्रतिवेदन अल इण्डिया मेडिकल साइन्सेसले प्रकाशित गरेको थियो।

 

प्रकाशित मिति: १६ कार्तिक २०७५, शुक्रबार १४:०८

प्रतिक्रिया दिनुहोस्