संयुक्त राष्ट्रसंघद्वारा लिबिया आक्रमणमा ‘युद्ध अपराध’ भएको सम्भावना
लिबियाको राजधानी त्रिपोलीको बाहिरी क्षेत्रमा रहेको आप्रवासी डिटेन्सन सेन्टरमा हवाई आक्रमण भएको छ । उक्त आक्रमणबाट युद्ध अपराध हुन सक्ने संयुक्त राष्ट्रसंघका अधिकारीले बताएका छन् ।
सो डिटेन्सन सेन्टरमा भएको हवाई आक्रमणमा कम्तिमा ४४ जनाको ज्यान गएको छ भने घाइते हुनेको संख्या १३० जना पुगेको छ ।
यता जनरल हलिफा हाफ्तारप्रति बफादारले हवाई आक्रमण गरेको लिबिया सरकारको आरोप छ भने उता जनरल हलिफाप्रति बफादारले भने सरकारप्रति आरोप लगाएका छन् । आक्रमणमा ज्यान गुमाउनेमा अधिकांश शब-सहारा अफ्रिकी क्षेत्रका आप्रवासी रहेको बताइन्छ । उनीहरु लिबिया हुँदै युरोप जाने प्रयासमा थिए ।
सरकारद्वारा सञ्चालित अप्रवासी डिटेन्सन सेन्टरमा भएको आक्रमणमा परी सन्तोष श्रेष्ठ नामक एक नेपालीको नयान गएको हो ।
उक्त आक्रमणबाट संयुक्त राष्ट्रसंघका महासचिव एन्टोनियो गुट्रेस्सले आफूलाई आक्रोसित बनाएको र यसबारे स्वतन्त्र अनुसन्धान हुनु पर्नेमा दबाव दिएका छन् ।
