सेयर बजारमा नेप्सेमा दोहोरो अङ्कको गिरावट !
बुधबार पनि सेयर कारोबार मापक नेप्से परिसूचक दोहोरो अङ्कले गिरावट आएको छ । नेप्से परिसूचक २३.३२ अङ्कले घटेर २ हजार ४ सय २८.७५ अङ्कमा झरेको हो ।
‘क’ वर्गका कम्पनीहरूको कारोबार मापन गर्ने सेन्सेटिभ इन्डेक्स पनि २.२८ अङ्कले घटेको छ ।बुधबारा दिनभर भएका ३८ हजार १७८ कारोबारबाट २२६ कम्पनीका ४३ लाख ७२ हजार १७१ कित्ता सेयर किनबेच भएको छ ।
जसबाट कारोबार रकम १ अर्ब ९९ करोड २९ लाख ७१ हजार ७६४ रुपैयाँमा रोकिएको छ । केही दिन यता नेप्से परिसूचक लगातार ओरालो लागिरहेको छ । परिसूचक घट्दा त्यसको असर सेयर कारोबार रकममा समेत परेको छ ।
