पाकिस्तानको बलुचिस्तानको झोब जिल्लामा बस दुर्घटना हुँदा १९ जनाको मृत्यु र ११ घाइते
पाकिस्तानको बलुचिस्तान प्रान्तको क्वेटामा आइतबार एउटा बस खाडलमा खसदा १९ जनाको मृत्यु र ११ यात्रु घाइते भएको पुष्टि भएको छ ।
जानकारी अनुसार बसमा जम्मा ३० जना यात्रु सवार थिए र बस इस्लामाबादबाट क्वेटा जाँदै गर्दा दुर्घटना भएको हो ।
रिपोर्टको अनुसार क्वेटा र इस्लामाबादबाट उद्धार टोली घटनास्थलमा पठाइएको र बसको टायर फुटेका कारण सन्तुलन बिग्रिएर खाल्डोमा खसेको अन्य केही समाचारमा जनाइएको छ ।
क्वेटाका सहायक पुलिस आयुक्त मेहताब शाहले भने- घटना धनसार क्षेत्रमा भएको हो। दुर्घटनाका बेला बसको गति पनि तिब्र थियो । दुर्घटना चालकको लापरवाही वा अन्य कुनै कारणले भएको हो भन्ने पत्ता लगाउने प्रयास भइरहेको छ ।
प्रधानमन्त्री शाहबाज सरिफले घटनाप्रति दुःख व्यक्त गरेको र गत महिना मात्र सोही क्षेत्रमा यस्तै घटनामा २२ जनाको ज्यान गएको थियो । त्यसपछि अनुसन्धानमा चालकको लापरवाही खुल्यो ।
