ओखलढुंगामा प्रहरी सवार जीप दुर्घटना, दुई जनाको मृत्यु
प्रदेश स्थित ओखलढुङ्गामा प्रहरी सवार जीप दुर्घटना हुँदा बुधबार दुई जनाको मृत्यु भएको छ । ७ प्रहरी घाइते छन् ।
प्रहरी प्रधान कार्यालयका अनुसार मृत्यु हुनेहरूमा हवल्दार भूपेन्द्र कार्की र जवान मनीष राजवंशी छन् ।उनीहरू हतियार मर्मतका लागि ओखलढुङ्गाबाट विराटनगरतर्फ जान लागेका थिए ।
बा १७ च १०९४ नम्बरको जीप मानेभन्ज्याङ गाउँपालिका-६, हर्कपुरमा दुर्घटनामा परेको हो । घाइतेको उद्धारका लागि हेलिकोप्टर घटनास्थलतर्फ गएको कार्यालयले जनाएको छ ।