अब नेपालबाट भारत जाने यात्रुले एयर सुविधा फारम अनिवार्य भर्नुपर्ने
छिमेकी मुलुक भारत सरकारले नेपालबाट भारतका विभिन्न सहरमा जाने यात्रुलाई एयर सुविधा फारम अनिवार्य भर्नुपर्ने नियम ल्याएको छ ।
नेपाल एयरलाइन्सका अनुसार काठमाडौँबाट भारतको नयाँ दिल्ली, मुम्बई र बैंग्लौर जाने सबै यात्रुले जहाजमा चढ्नु अगाडि नै एयर सुविधा फारम भर्नु पर्ने भएको छ ।
निगमका अनुसार यस्तो फारम भरेका यात्रुले मात्र भारतीय सहरमा जान निगमको जहाजमा चढ्ने अनुमति पाउने भएका छन् ।यस्तो फारम नयाँ दिल्ली एयरपोर्टको आधिकारिक वेबसाइटबाट भर्न सकिने बताइएको छ ।भारतबाट नेपाल आउने यात्रुको हकमा भने नेपालमा कुनै पनि प्रकारको फारम अनिवार्य छैन ।
