स्थानीय निर्वाचनमा गठबन्धन एकताबद्ध भएर जाने सहमति, महानगरको उम्मेदवार केन्द्रले टुंग्याउने
आगामी स्थानीय तहको निर्वाचनमा सत्तारुढ दल एकताबद्ध भएर जाने सहमति भएको छ ।
बिहीबार प्रधानमन्त्री शेरबहादुर देउवाको निवास बालुवाटारमा बसेको सत्ता गठबन्धनको बैठकले एकताबद्ध भएर स्थानीय चुनावमा जाने सहमति भएको हो ।
बैठकबाट बाहिरिएका एकीकृत समाजवादीका सम्मानित नेता झलनाथ खनालले चुनावमा एक भएर जाने सहमति भएको बताउँदै देशभरका ६ महानगरको उम्मेदवारको टुंगो केन्द्रीय गठबन्धनले नै टुंगो लगाउने सहमति भएको बताए ।
