भारतमा एकैदिन २ लाख ८२ हजार कोरोना संक्रमित
छिमेकी मुलुक भारतमा कोरोना संक्रमणको तेस्रो लहर आगो सरी फैलिरहेको छ । भारतमा पछिल्लो समयमा एकै दिन लाखौं जनसंख्या संक्रमित बन्दै गइरहका छन ।
त्यस्तै भारतमा पछिल्लो २४ घन्टामा २ लाख ८२ हजारमा कोरोना संक्रमण पुष्टि भएको छ । यो संख्या अघिल्लो दिनको तुलनामा १८ प्रतिशतले बढी हो ।
कोरोनाको नयाँ भेरियन्ट ओमिक्रोन फैलिएसँगै संक्रमितको संख्या पनि दिनहुँ बढिरहेको छ । अहिलेसम्म आठ हजार ९६१ मा कोभिडको नयाँ भेरियन्ट देखिएको छ ।
त्यस्तै भारतमा पछिल्लो २४ घन्टामा कोरोनाका कारण ४४१ जनाले ज्यान गुमाएका छन् । पछिल्लो समय कोभिडबाट स्वास्थ्यकर्मी, सुरक्षाकर्मी, पत्रकारलगायत अग्रमोर्चामा खटिएका व्यक्ति प्रभावित हुन थालेका छन्। देशमा कोरोना बढेसँगै भारत सरकारले खोप अभियानलाई तीव्र पारेको छ ।
