आजदेखि पुनर्निर्माण सम्बन्धि अन्तर्राष्ट्रिय सम्मेलन काठमाडौंमा शुरु हुँदै
राष्ट्रपति विद्यादेवी भण्डारीले २०७२ को भूकम्पपछिको पुनर्निर्माण सम्बन्धी अन्तर्राष्ट्रिय सम्मेलनको आज उद्घाटन गर्दैछिन् ।
२०७२ सालको भूकम्पपछिको पुनर्निर्माण तथा पुनस्थार्पनाका अनुभव तथा सिकाई बाँड्न आयोजित सम्मेलन भोलिसम्म चल्नेछ ।
भूकम्पपछिको पुनर्निर्माण तथा पुनस्थार्पना कार्यमा प्राप्त भएका सिकाइ र अनुभवबारे जानकारी प्रदान गर्ने उद्देश्यले काठमाडौंमा यो सम्मेलनको आयोजना गरिएको हो ।
सम्मेलनमा अमेरिका, भारत र न्युजिल्यान्डका विज्ञहरु सहभागी हुँदैछन् । कोभिडका कारण अन्य देशका विज्ञहरू भने भर्चुअल माध्यमबाट सहभागी हुने छन् ।