सभापतिको उम्मेदवार टुङ्गो लगाउन पौडेल समूहको बैठक जारी
सभापतिको साझा उम्मेदवारको टुंगो लगाउन नेपाली कांगे्रसका वरिष्ठ नेता रामचन्द्र पौडेल समूहको बैठक अहिले जारी रहेको छ ।
बत्तीसपुतलीस्थित अनुपम फुडल्यान्डमा बसेको बैठकले सभापतिका लागि साझा उम्मेदरवार तय गर्ने र त्यसपछि अन्य पदाधिकारी तथा केन्द्रीय सदस्यका लागि उम्मेदवारको टुङ्गो लगाउने बताइएको छ ।
बैठकमा वरिष्ठ नेता पौडेलसहित नेताहरु सहभागी छन् । बैठक सुरु भएपछि केहीबेरमै बाहिर निस्किँदै नेता पौडेलले सञ्चारकर्मीहरुसँगको सङ्क्षिप्त प्रतिक्रियामा सभापतिका लागि सो समूहबाट आकाङ्क्षी बनेका चारैजना नेताहरु बैठकमा नबस्ने र बैठकमा सहभागीहरुले छलफल गरी गर्ने निर्णयलाई आफूहरुले मान्ने बताए ।
मंगलबार दिनभर सभापतिका आकाङ्क्षीसहित केन्द्रीय सदस्यहरूको बैठकले सभापतिको नाम टुङ्गो लगाउन खोजे पनि सहमति नभएपछि आजका लागि बैठक बोलाइएको थियो ।
शुक्रबारदेखि काठमाडौंमा कांग्रेस महाधिवेशन सरु हुँदै छ ।
