आजदेखि विमानस्थलभित्रै नि:शुल्क यात्रुवाहक बस सेवा सुरु
आजदेखि विमानस्थलभित्रै निस्शुल्क यात्रुवाहक बस सेवा सुरु भएको छ ।
विमानस्थलभित्र सञ्चालन हुने ट्याक्सीहरुले यात्रु ठगेको जनगुनासोपछि पर्यटन मनत्रालयले बिमानस्थलको आन्तरिक टर्मिनलभित्रै यत्रुवाहक बस सवा सुरु गरेको हो ।
संस्कृति, पर्यटन तथा नागरिक उड्डयनमन्त्री प्रेम आलेले आज उक्त सेवाको शुभारम्भ गरे ।सेवा शुभारम्भ गर्दै मन्त्री आले स्वयम् यात्रुवाहक माइक्रोबसमा कोचिएर यात्रा गरेका थिए ।
रिवन काटेर सेवाको उद्घाटना गरेका मन्त्री प्रेम आले यात्रुले भरिएको माइक्रो बसमा बसेर विमानस्थलको गोल्डेन गेटसम्मको यात्रा गरेका हुन् ।
विमानस्थलको आन्तरिक हवाइ सेवाका यात्रुलाई विमानस्थलबाट निःशुल्क बस सेवा सुरु गरिएको हो ।विमानस्थलभित्र ट्याक्सीले चर्को शुल्क असुलेर यात्रुलाई दुःख दिएपछि नागरिक उड्ययन प्राधिकरणले निःशुल्क बस सेवा सञ्चालन गरेको हो ।
निशुल्क बस सेवासँगै विमानस्थलमा यात्रुको विश्रामस्थलको पनि व्यवस्था गरिएको छ ।
