एमाले कार्यकर्तालाई सम्बोधन गर्न ओली आज झापा जाँदै
झापाका नेकपा एमालेका कार्यकर्तालाई सम्बोधन गर्न एमालेका अध्यक्ष केपी शर्मा ओली आज झापा जिल्ला जाँदै छन् ।
ओली मंगलबार आफू निर्वाचित भएको जिल्ला झापाको बिर्तामोडमा आयोजित पार्टीको कार्यक्रममा सहभागी हुन झापा जान लागेका हुन् ।
दिउँसो १ बजे उनले पार्टीका कार्यकर्तालाई सम्बोधन गर्ने कार्यक्रम रहेको एमालेका झापा अध्यक्ष चिन्तन पाठकले जानकारी दिए । ओली आजै काठमाडौँ फर्कने कार्यक्रम रहेको छ।